99
پاکستانی کوہ پیما سرباز علی نے نئی تاریخ رقم کر دی ہے۔
انہوں نے دنیا کی تمام 8 ہزار میٹر سے بلند 14 چوٹیاں بغیر مصنوعی آکسیجن کے سر کر کے ایک ناقابلِ یقین کامیابی حاصل کی، اور اس کارنامے کو انجام دینے والے پہلے پاکستانی بن گئے ہیں۔
سرباز علی نے آج 8,586 میٹر بلند کینچن جونگا کو سر کر کے اپنا سفر مکمل کیا۔
گزشتہ سال وہ تمام 14 بلند چوٹیاں سر کر چکے تھے، تاہم ابتدائی مہمات میں دو چوٹیوں پر انہوں نے آکسیجن کا استعمال کیا تھا، اس تاریخی اعزاز کے لیے ضروری تھا کہ وہ اناپورنا اور کینچن جونگا کو دوبارہ بغیر آکسیجن کے سر کریں۔
سرباز علی نے گزشتہ ماہ اناپورنا اور آج کینچن جونگا کو بغیر آکسیجن کے سر کر کے خود کو عالمی کوہ پیمائی کی تاریخ میں ہمیشہ کے لیے امر کر دیا۔
