پہلگام حملہ: پاکستان کا بھارت سے ثبوت کا مطالبہ

امریکا میں تعینات پاکستان کے سفیر رضوان سعید شیخ نے کہا ہے کہ بھارت کے جنگی عزائم سے خطے کا امن سنگین خطرات سے دوچار ہو چکا ہے۔

انہوں نے امریکی تھنک ٹینک کے نمائندوں کو پہلگام واقعے اور پاک بھارت کشیدگی کے حوالے سے آگاہ کرتے ہوئے غیرجانبدار اور شفاف تحقیقات کی ضرورت پر زور دیا۔

یہ بھی پڑھیں

رضوان سعید شیخ کا کہنا تھا کہ بھارت نے پہلگام واقعے کے حوالے سے تاحال کوئی قابلِ اعتبار ثبوت نہ پاکستان کے ساتھ شیئر کیا ہے اور نہ ہی عالمی برادری کو فراہم کیا ہے۔

انہوں نے سندھ طاس معاہدے کے ضمن میں بھارت کے غیر ذمہ دارانہ رویے کو بین الاقوامی قوانین کی خلاف ورزی قرار دیا اور خبردار کیا کہ زرعی معیشت کو نقصان پہنچانے کی کوئی بھی کوشش ایک دشمنانہ اقدام تصور کی جائے گی۔

ان کا مزید کہنا تھا کہ بھارت کے عسکری جارحانہ رویے نے خطے میں پائیدار امن کے امکانات کو شدید متاثر کیا ہے۔

شیئر کریں: