پاکستان اور ترکیہ کے درمیان فیری سروس کے آغاز پر غور

اسلام آباد: پاکستان اور ترکیہ کے درمیان فیری سروس کے آغاز پر غور کیا جا رہا ہے۔ وزیر بحری امور جنید انوار چوہدری نے ترک وزیر ٹرانسپورٹ سے ملاقات کی جس دوران دونوں ممالک کے درمیان جہاز سازی، آپریشنز اور شپ بریکنگ میں تعاون بڑھانے پر اتفاق کیا گیا۔

ملاقات میں جنید انوار چوہدری نے ترک سرمایہ کاروں کو گوادر میں سرمایہ کاری کی دعوت دی، جس پر ترک وفد نے پاکستان کا دورہ جلد کرنے کی یقین دہانی کرائی۔

اس اقدام سے دونوں ممالک کے درمیان بحری اور تجارتی تعلقات مزید مضبوط ہونے کی توقع ہے۔