پاکستان اسٹاک ایکسچینج (پی ایس ایکس) میں کاروباری ہفتے کے پہلے دن منڈی کا رجحان دیکھا گیا، جس کے نتیجے میں 100 انڈیکس میں قابلِ ذکر کمی ریکارڈ کی گئی۔
کاروبار کے دوران پی ایس ایکس بینچ مارک 100 انڈیکس 1,954 پوائنٹس کی کمی کے بعد 1 لاکھ 77 ہزار 648 پوائنٹس تک گر گیا۔ دن کے دوران انڈیکس کی بلند ترین سطح 1 لاکھ 79 ہزار 969 پوائنٹس رہی، جبکہ کم از کم 1 لاکھ 77 ہزار 622 پوائنٹس پر بھی پہنچا۔
گزشتہ ہفتے کے اختتام پر 100 انڈیکس 1 لاکھ 77 ہزار 622 پوائنٹس پر بند ہوا تھا، جس سے ظاہر ہوتا ہے کہ کاروبار کے پہلے دن سرمایہ کاری میں تھوڑی غیر یقینی کیفیت رہی۔
پاکستان اسٹاک ایکسچینج میں تیزی، 100 انڈیکس ایک لاکھ 84 ہزار کی حد عبور
دوسری جانب، فارن ایکسچینج مارکیٹ میں بھی معمولی اتار چڑھاؤ دیکھا گیا۔ انٹر بینک میں ڈالر ایک پیسے کی کمی کے بعد 279 روپے 61 پیسے پر پہنچ گیا۔
تجزیہ کاروں کے مطابق اسٹاک مارکیٹ میں یہ مندی سرمایہ کاروں کی محتاط پوزیشن اور عالمی مارکیٹ میں عدم استحکام کے باعث ظاہر ہوئی ہے، جبکہ زرمبادلہ مارکیٹ میں معمولی استحکام برقرار ہے۔
