10
نیویارک، اقوام متحدہ میں پاکستان کے مستقل مندوب عاصم افتخار نے عالمی برادری کی توجہ مقبوضہ فلسطین اور مقبوضہ جموں و کشمیر میں خواتین پر ڈھائے جانے والے مظالم کی جانب دلاتے ہوئے کہا ہے کہ جنسی تشدد انسانی وقار کے خلاف بدترین جرائم میں شمار ہوتا ہے اور اس کے خاتمے کے لیے فوری اقدامات ناگزیر ہیں۔
عاصم افتخار کا کہنا تھا کہ بھارتی افواج مقبوضہ کشمیر میں جنسی تشدد کو بطور جنگی ہتھیار استعمال کر رہی ہیں تاکہ غیر قانونی قبضے کو مضبوط بنایا جا سکے۔ انہوں نے انکشاف کیا کہ صرف 2019 سے 2021 کے دوران 10 ہزار سے زائد خواتین اور بچیاں لاپتہ ہوئیں، جو اس المیے کی سنگینی کو ظاہر کرتا ہے۔
پاکستانی مندوب نے اقوام متحدہ سے مطالبہ کیا کہ وہ مقبوضہ علاقوں میں جنسی تشدد کے خلاف فوری اور مؤثر کارروائی کرے تاکہ متاثرہ خواتین اور بچیوں کو انصاف فراہم کیا جا سکے۔
