مسلم لیگ ن کے رہنما خواجہ سعد رفیق نے کہا ہے کہ ملک کی زیادہ تر سیاسی جماعتیں نیم جمہوری رویے رکھتی ہیں اور اگر مخالفانہ خیالات کو برداشت نہ کیا گیا تو سیاسی ماحول میں استحکام قائم نہیں رہ سکتا۔
ایک تقریب سے خطاب میں خواجہ سعد رفیق نے کہا کہ جمہوریت میں شراکت اور اختلافِ رائے کو قبول کرنا ناگزیر ہے۔ انہوں نے کہا کہ قیادت مخلص کارکنوں میں سے ہونی چاہیے اور جو شخص مخالف کو نقصان پہنچاتا ہے، وہ خود بھی قانونی سزا بھگتتا ہے۔
سیاست میں بیعت نہیں، کارکن لیڈرز کے نظریات پر چلتے ہیں: مولانا فضل الرحمٰن
خواجہ سعد رفیق نے سیاسی میدان میں صبر، تحمل اور برداشت کو ضروری قرار دیتے ہوئے کہا کہ زیادہ تر جماعتیں اندرونی طور پر جمہوری اصولوں پر عمل نہیں کرتیں۔ انہوں نے ججز کی بحالی کے بعد سیاسی حالات میں تبدیلیوں کا ذکر کرتے ہوئے کہا کہ اب کوئی بھی کسی کو کم نہیں کر سکتا اور سیاسی جماعتوں کو بیٹھ کر میثاق جمہوریت تیار کرنا ہوگا تاکہ ملک میں سیاسی استحکام اور شفافیت قائم کی جا سکے۔
