نواز شریف لندن روانہ، طبی معائنہ کرائیں گے اور اہم ملاقاتیں بھی شیڈول

پاکستان مسلم لیگ (ن) کے صدر اور سابق وزیراعظم میاں نواز شریف لاہور سے لندن کے لیے روانہ ہوگئے ہیں۔

ذرائع کے مطابق نواز شریف قطر ایئرویز کی پرواز کے ذریعے لاہور سے لندن جا رہے ہیں، جہاں ان کا قیام تقریباً دو ہفتے طویل ہوگا۔ راستے میں وہ قطر میں بھی مختصر قیام کریں گے۔

نواز شریف لندن میں اپنا معمول کا طبی معائنہ کرائیں گے اور وہاں اہم ملاقاتیں بھی کریں گے۔ چند روز قبل ہی انہوں نے پنجاب انسٹیٹیوٹ آف نیوروسائنسز میں گردن کی ایم آر آئی سمیت اپنا طبی چیک اپ کرایا تھا، کیونکہ انہیں پٹھوں میں درد کی شکایت تھی۔

واضح رہے کہ نواز شریف اس سال جون میں بھی لندن گئے تھے۔