نادرا ریکارڈ کو تبدیل کرکے باہر ملک جانے کی کوشش کرنے والے 5 مسافر آف لوڈ

اسلام آباد: نادرا ریکارڈ میں تبدیلی کرکے بیرونِ ملک جانے کی کوشش کرنے والے 5 مسافروں کو آف لوڈ کردیا گیا۔

اسلام آباد ایئرپورٹ پر ایف آئی اے امیگریشن نے کارروائی کرتے ہوئے جعل سازی سے ہانگ کانگ جانے کی کوشش کرنے والے 5 مسافروں کو آف لوڈ کیا، جن میں دو خواتین اور تین مرد شامل ہیں۔

ایف آئی اے حکام کے مطابق ایجنٹ نے جعل سازی سے 3 افراد کا نادرا ریکارڈ تبدیل کرکے انہیں دوسری فیملی کا حصہ بنا دیا۔ اس مقصد کے لیے مسافروں کے گھر والوں نے فی کس ایک کروڑ 50 لاکھ روپے ایجنٹ کو ادا کیے۔

ایف آئی اے حکام کا کہنا ہے کہ ایئرپورٹ پر سہولت کاری میں ملوث پی آئی اے کا اہلکار بھی شامل تفتیش ہے۔