لاہور، وفاقی وزیر داخلہ محسن نقوی نے پاکستان ریلویز ہیڈ کوارٹرز کا دورہ کیا اور وزیر ریلویز حنیف عباسی کی صدارت میں ہونے والے خصوصی اجلاس میں شرکت کی۔
اجلاس میں ملک بھر خصوصاً بلوچستان میں ریلویز لائنز اور ٹرینوں کی سیکیورٹی اقدامات کا تفصیلی جائزہ لیا گیا،یہ فیصلہ کیا گیا کہ ریلویز کی اراضی پر تجاوزات کے خلاف مشترکہ کریک ڈاؤن کیا جائے گا، جس میں نیشنل کونسٹیبلری اور ریلویز پولیس حصہ لیں گی جبکہ ایف سی بھی مکمل تعاون فراہم کرے گی۔
وفاقی وزیر داخلہ محسن نقوی نے کہا کہ اسلام آباد اور راولپنڈی کے درمیان ٹرینیں چلانے کا فیصلہ کیا گیا ہے، ٹریکس اور ٹرینوں کی فول پروف سیکیورٹی یقینی بنانے کے لیے ہر ممکن اقدامات اٹھائے جائیں گے۔ انہوں نے مسافروں کی حفاظت کو اولین ترجیح قرار دیا۔
محسن نقوی نے ریلویز کی کارکردگی بہتر بنانے کے لیے وزیر ریلویز حنیف عباسی کے اقدامات کو سراہا۔ وزیر ریلویز نے تجاوزات کے خاتمے میں فیڈرل ریزرو پولیس کی معاونت پر وزیر داخلہ کا شکریہ ادا کیا۔
وفاقی وزیر ریلوے کی ہنگو دہشت گرد حملے کی مذمت
اجلاس میں چیف ایگزیکٹو آفیسر پاکستان ریلویز عامر علی بلوچ، آئی جی ریلویز پولیس رائے طاہر اور دیگر اعلیٰ حکام بھی شریک تھے۔
