6
اسلام آباد، محکمہ موسمیات کی جانب سے رواں ہفتے بارش کی پیشگوئی کر دی گئی۔
یکم مئی سے 4 مئی تک بالائی، وسطی علاقوں میں گرج چمک کے ساتھ بارش کا امکان ظاہر کیا جارہا ہے۔
محکمہ موسمیات کا بتانا ہے کہ یکم مئی سے گرمی کی شدت میں کمی کا امکان ہے، یکم سے 4 مئی کے دوران ملک کے مختلف علاقوں میں بارش کا امکان ہے۔
بالائی اور وسطی علاقوں میں آندھی کے ساتھ گرج چمک کا امکان ہے، محکمہ موسمیات کی جانب سے چند علاقوں میں ژالہ باری کی بھی پیش گوئی کی گئی ہے۔
30 اپریل کی شام مغربی ہوائیں ملک کے بالائی علاقوں میں داخل ہوں گی، آزاد کشمیر، وفاقی دارالحکومت اسلام آباد، جہلم، سیالکوٹ، لاہور، فیصل آباد، مانسہرہ، کوہاٹ، پشاور، گلگت بلتستان میں بارش کا امکان ہے۔
