مہر بانو نے ڈزنی کی شہزادی جیسمین کا روپ دھار کر سوشل میڈیا پر دھوم مچا دی

پاکستانی شوبز انڈسٹری کی اداکارہ مہر بانو نے ڈزنی کی شہزادی جیسمین کے انداز میں اپنی نئی ویڈیو کے ذریعے مداحوں کو حیران اور متاثر کر دیا۔ اداکارہ نے فیروزی رنگ کا خوبصورت لباس پہن کر بھارتی گلوکار دلجیت دوسانجھ کے مشہور گانے ’چارمر‘ پر ڈانس کیا، جو سوشل میڈیا پر وائرل ہو گئی ہے۔

یہ بھی پڑھیں

مہر بانو اکثر اپنے سوشل میڈیا اکاؤنٹس پر دلچسپ اور منفرد ویڈیوز شیئر کرتی رہتی ہیں، اور یہ ویڈیو بھی اسی سلسلے کی تازہ مثال ہے۔ ویڈیو کی شوٹنگ ایک خوبصورت کوریڈور میں کی گئی، جو ویڈیو کے تھیم کے ساتھ مطابقت رکھتی ہے اور بصری کشش میں اضافہ کرتی ہے۔

سوشل میڈیا صارفین نے مہر بانو کی ویڈیو کو بھرپور انداز میں سراہا اور مداحوں کی جانب سے کمنٹس اور لائکس کی بھرمار ہو گئی۔ یہ ویڈیو نہ صرف اداکارہ کی ڈانس صلاحیتوں کو اجاگر کرتی ہے بلکہ ان کے منفرد انداز اور تخلیقی سوچ کو بھی نمایاں کرتی ہے۔