43
وزیراعلیٰ پنجاب مریم نواز شریف نے ہندو برادری کو دیوالی کی مبارکباد دیتے ہوئے کہا ہے کہ دیوالی کا دیپ محبت کی روشنی اور بھائی چارے کی جوت جگاتا ہے۔
انہوں نے اقلیتوں کے لیے خصوصی منیاریٹی کارڈ کے اجرا اور محفوظ پنجاب ویژن کے تحت مینارٹی ورچوئل پولیس سٹیشن کے قیام کا بھی اعلان کیا۔
مریم نواز شریف نے کہا کہ دیوالی کا تہوار باہمی محبت اور یکجہتی کا پیغام دیتا ہے اور پاکستان ایک خوبصورت گلدستہ ہے جہاں مختلف مذاہب کے لوگ بھائی چارے کے ساتھ رہتے ہیں۔
واضح رہے کہ دیوالی کا تہوار نہ صرف ہندو برادری بلکہ سکھ مت اور جین مت کے لوگ بھی جوش و خروش سے مناتے ہیں۔ یہ تہوار روشنیوں اور خوشیوں کا پیغام لے کر آتا ہے اور اچھائی کی برائی پر فتح کی علامت سمجھا جاتا ہے۔ تاریخی طور پر برصغیر کے تمام مذاہب کے لوگ دیوالی کا جشن مناتے آئے ہیں۔
