لاہور،سینئر صوبائی وزیر مریم اورنگزیب نے عوام سے اپیل کی ہے کہ وہ جھوٹی اور غیر مصدقہ خبریں پھیلانے والے ذرائع سے ہوشیار رہیں۔
مریم اورنگزیب نے کہا کہ عوام سوشل میڈیا پر نامعلوم ذرائع سے آنے والی غیر تصدیق شدہ خبروں کو آگے پھیلانے سے گریز کریں۔
انہوں نے کہا کہ معلومات حاصل کرنے کے لیے صرف آئی ایس پی آر، وزارت اطلاعات، ڈی جی پی آر، ڈپٹی کمشنر کی سرکاری ویب سائٹس اور سوشل میڈیا اکاؤنٹس کا ہی استعمال کیا جائے۔
مریم اورنگزیب نے کہا کہ درست اور مستند معلومات کے لیے پی ٹی وی اور دیگر سرکاری ذرائع ابلاغ پر اعتماد کیا جائے۔
سینئر صوبائی وزیر نے کہا کہ سوشل میڈیا پر پاکستان اور بھارت کے درمیان کشیدگی کے حوالے سے متعدد جعلی پوسٹس اور فیک ویڈیوز گردش کر رہی ہیں۔
انہوں نے عوام سے درخواست کی کہ سوشل میڈیا پر وائرل ہونے والی غلط، بے بنیاد اور جعلی اطلاعات پر یقین نہ کیا جائے اور انہیں بلا تصدیق فارورڈ نہ کریں۔
مریم اورنگزیب نے کہا کہ ڈپٹی کمشنر لاہور کی جانب سے کسی قسم کا پبلک ایمرجنسی نوٹیفکیشن جاری نہیں کیا گیا۔
