10
پشاور: خیبرپختونخوا کے محکمۂ جنگلی حیات نے ٹرافی ہنٹنگ پروگرام کے تحت مارخور کے شکار کے 39 پرمٹس جاری کر دیے ہیں۔
محکمے کے مطابق ان میں سے ایک مارخور کے شکار کے لیے 2 لاکھ 46 ہزار ڈالرز کی بلند ترین بولی لگائی گئی، جو پاکستانی کرنسی میں تقریباً 7 کروڑ روپے سے زائد بنتی ہے۔
محکمۂ جنگلی حیات کا کہنا ہے کہ اس ٹرافی ہنٹنگ پروگرام سے مجموعی طور پر 54 کروڑ 27 لاکھ روپے کی آمدن متوقع ہے، جو جنگلی حیات کے تحفظ اور مقامی کمیونٹی کی فلاح و بہبود پر خرچ کی جائے گی۔
مارخور کے شکار کا پرمٹ ریکارڈ 10 کروڑ روپے میں نیلام
خیال رہے کہ ٹرافی ہنٹنگ کے تحت مخصوص عمر کے نر مارخور کے شکار کی اجازت دی جاتی ہے، تاکہ ماحولیاتی توازن برقرار رکھا جا سکے اور تحفظ کے پروگراموں کو مالی معاونت فراہم کی جا سکے۔
