11
سیکیورٹی فورسز نے خفیہ اطلاعات کی بنیاد پر لکی مروت کے علاقے وانڈہ شیخ اللہ میں کامیاب کارروائی کرتے ہوئے 8 دہشت گردوں کو ہلاک کر دیا۔ کارروائی کے دوران 5 دیگر افراد شدید زخمی ہوئے۔
سیکیورٹی ذرائع کا کہنا ہے کہ یہ کارروائی 24 اکتوبر کو نہایت عسکری مہارت کے ساتھ انجام دی گئی، جس میں دہشت گردوں کو فرار ہونے کا کوئی موقع نہیں ملا۔ کارروائی کے بعد علاقے میں مزید دہشت گردوں کی موجودگی کے خدشات کے پیش نظر سرچ آپریشنز بھی جاری ہیں۔
بلوچستان: سکیورٹی فورسز کی کارروائی، فتنہ الہندوستان کے 6 دہشتگرد ہلاک
ذرائع نے بتایا کہ نیشنل ایکشن پلان کے تحت آخری دہشت گرد کے خاتمے اور علاقے میں امن و امان کی مکمل بحالی تک سیکیورٹی فورسز کی کارروائیاں جاری رہیں گی۔
