7
لاہور ہائیکورٹ نے عدالتی امور کے لیے ہفتے میں چار دن کام کرنے کا فیصلہ کر لیا ہے۔ اس حوالے سے رجسٹرار کی جانب سے باقاعدہ نوٹیفکیشن جاری کر دیا گیا ہے۔
نوٹیفکیشن کے مطابق لاہور ہائیکورٹ اور صوبے بھر کی ماتحت عدالتوں میں پیر سے جمعرات تک معمول کے مطابق عدالتی کام انجام دیا جائے گا جبکہ جمعہ اور ہفتہ کو معمول کی سماعتیں نہیں ہوں گی۔
مزید بتایا گیا ہے کہ نئے مقدمات دائر کرنے کے لیے ارجنٹ سیل پیر سے جمعرات تک پچاس فیصد عملے کے ساتھ کام کرے گا، جبکہ جمعہ اور ہفتہ کے روز صرف دس فیصد عملہ ڈیوٹی انجام دے گا۔
بغیر اجازت دوسری شادی پر حق مہر فوری ادا کرنا ہوگی: لاہور ہائیکورٹ
نوٹیفکیشن میں یہ بھی واضح کیا گیا ہے کہ سکیورٹی اور صفائی کا عملہ پورا ہفتہ اپنے مقررہ شیڈول کے مطابق کام جاری رکھے گا جبکہ کسی بھی قسم کے اضافی پروٹوکول کی اجازت نہیں ہوگی۔
