12
مشیر خزانہ مزمل اسلم نے بتایا کہ فنڈز براہِ راست پی ڈی ایم اے اکاؤنٹس میں جمع ہوں گے، حکومت اب تک 4 ارب روپے متاثرہ اضلاع کے لیے جاری کر چکی ہے۔ عطیات خیبر بینک اکاؤنٹ نمبر 3007471342 میں جمع کرائے جا سکتے ہیں۔
پشاور، خیبر پختونخوا حکومت نے سیلاب متاثرین کی بحالی اور ریلیف ورک کے لیے فنڈز اکاؤنٹ نمبر جاری کر دیا۔
مشیر خزانہ خیبر پختونخوا مزمل اسلم کے مطابق فنڈز براہِ راست صوبائی ڈیزاسٹر مینجمنٹ اتھارٹی (پی ڈی ایم اے) کے اکاؤنٹس میں منتقل ہوں گے اور یہ رقم صرف متاثرین کے ریلیف اور بحالی کے کاموں میں استعمال کی جائے گی۔
مزمل اسلم نے بتایا کہ حکومتِ خیبر پختونخوا اب تک سیلاب سے متاثرہ اضلاع کے لیے 4 ارب روپے کی امدادی رقم جاری کر چکی ہے، جبکہ حالیہ دنوں میں مزید 2 ارب روپے بھی جاری کیے گئے ہیں۔
صوابی میں کلاؤڈ برسٹ اور بارشوں سے تباہی، 42 افراد جاں بحق
انہوں نے کہا کہ شہری اپنے عطیات اور فنڈز خیبر بینک کے اکاؤنٹ نمبر 3007471342 میں جمع کرا سکتے ہیں تاکہ ریلیف اور بحالی کے عمل کو مزید مؤثر بنایا جا سکے۔
