44
پشاور: خیبر پختونخوا اسمبلی کے اسپیکر بابر سلیم سواتی نے وزیراعلیٰ سہیل آفریدی کو بانی پی ٹی آئی عمران خان سے مشاورت کے بغیر صوبائی کابینہ بنانے کا مشورہ دے دیا ہے۔
ذرائع کے مطابق اسپیکر کے پی اسمبلی نے وزیراعلیٰ کو تجویز دی کہ فی الحال صوبائی کابینہ تشکیل دے دی جائے تاکہ صوبے کے انتظامی معاملات چلانے میں آسانی ہو، جبکہ عمران خان سے ملاقات کے بعد ضرورت پڑنے پر کابینہ میں تبدیلی کی جا سکتی ہے۔
دوسری جانب وزیراعلیٰ سہیل آفریدی کی زیر صدارت پی ٹی آئی کی پارلیمانی پارٹی کا اجلاس بھی ہوا۔ اس حوالے سے رکن اسمبلی احتشام خان نے جیو نیوز کو بتایا کہ اجلاس میں فیصلہ کیا گیا ہے کہ پی ٹی آئی کے ارکان منگل کے روز اسلام آباد جائیں گے۔
احتشام خان کے مطابق ارکان اسمبلی اسلام آباد ہائیکورٹ میں پیشی کے بعد اڈیالہ جیل بھی جائیں گے۔
