7
وزیراعلیٰ خیبرپختونخوا سہیل آفریدی نے وفاقی حکومت پر 5300 ارب روپے کی کرپشن کا سنگین الزام عائد کردیا ہے۔
پشاور میں انجینئرنگ یونیورسٹی کی تقریب سے خطاب کرتے ہوئے انہوں نے کہا کہ یہ عوام کے ٹیکس کا پیسہ ہے جس سے بیرونِ ملک فلیٹس اور جزیرے خریدے جارہے ہیں۔
وزیراعلیٰ کے پی نے کہا کہ آئندہ این ایف سی اجلاس میں ضم شدہ اضلاع کے فنڈز کا معاملہ بھرپور انداز میں اٹھایا جائے گا۔
ان کا کہنا تھا کہ فاٹا انضمام کے بعد صوبے کا این ایف سی میں حصہ 19 فیصد بنتا ہے مگر گزشتہ 7 سال سے 350 ارب روپے سالانہ حصہ نہیں مل رہا، جس سے صوبہ شدید مالی مشکلات کا شکار ہے۔
دوسری جانب سہیل آفریدی کی زیر صدارت پشاور کے پارلیمنٹیرینز کا اجلاس ہوا، جس میں انہوں نے پشاور کی ترقی کے لیے 100 ارب روپے کے ترقیاتی منصوبوں پر جلد گرینڈ میٹنگ بلانے کا اعلان کیا۔
