کوہاٹ: وزیراعلیٰ خیبر پختونخوا سہیل خان آفریدی نے کوہاٹ میں جلسہ عام سے خطاب کرتے ہوئے کہا کہ اگر اس بار وہ ڈی چوک جائیں گے تو یا تو آزادی لے کر واپس آئیں گے یا کفن میں۔
بانی چیئرمین اور عدلیہ کے حوالے سے موقف
وزیراعلیٰ نے کہا کہ بانی چیئرمین کو دبانے کی کوششیں کی جا رہی ہیں۔
عدلیہ سے ملاقات کی اجازت نہیں دی جاتی، اور جنہیں عوامی منڈیٹ کی حفاظت کرنی تھی وہی اب ڈاکہ ڈال رہے ہیں۔
انہوں نے کہا کہ ہمارے محافظ ہی ہمارے قاتل بن چکے ہیں۔
احتجاج اور تیاری
سہیل خان آفریدی نے میڈیا میں رات کے وقت گولیوں کی دھمکی دینے والے ٹاؤٹس پر بھی تنقید کی۔
انہوں نے کہا کہ عمران خان نے احتجاج یا مذاکرات کی ذمہ داری محمود اچکزئی اور علامہ ناصر عباس کو سونپی ہے۔
انہوں نے کارکنان سے کہا کہ جب بھی کال آئے، سب کو تیار رہنا ہوگا۔
وزیراعلیٰ خیبر پختونخوا سہیل آفریدی کو اشتہاری قرار دینے کی کارروائی کا آغاز
وفاقی حکومت پر تنقید
وزیراعلیٰ نے وفاقی حکومت پر بھی شدید تنقید کی اور کہا کہ انہوں نے 5,300 ارب روپے کی کرپشن کی ہے۔
ملک کا قرضہ 80 ہزار ارب روپے تک پہنچ گیا ہے، اور گورننس کے مشورہ دینے والوں نے پاکستان کو قرضوں میں ڈبو دیا ہے۔
ان کا کہنا تھا کہ حقیقی آزادی حاصل کرنے کے لیے عوام کو متحد ہو کر اقدامات کرنے ہوں گے۔
وزیراعلیٰ پنجاب اور سرمایہ کاری پر تنقید
سہیل خان آفریدی نے وزیراعلیٰ پنجاب پر بھی تنقید کی اور کہا کہ میڈیٹ چور جو ’کا کے اور کی‘ کو نہیں سمجھ سکتے، وہ ہمیں مشورے دے رہے ہیں۔
ان کا کہنا تھا کہ پنجاب پولیس پورے پاکستان میں کرپٹ ترین ادارہ بن چکی ہے۔
انہوں نے مزید کہا کہ سرمایہ کاری خیبرپختونخوا میں ہو رہی ہے جبکہ پنجاب میں کم ہوئی ہے، اور وہ ہمیں غیر ضروری مشورے دے رہے ہیں۔
