بلوچستان کے ضلع خضدار میں سکیورٹی فورسز نے ایک موثر آپریشن کے دوران چار بھارتی سرپرستی یافتہ دہشتگردوں کو ہلاک کر دیا۔ یہ کارروائی 17 ستمبر کو
علاقے میں فتنہ الہندوستان کے دہشتگردوں کی موجودگی کی اطلاع ملنے پر انجام دی گئی۔ پاک فوج کے شعبہ تعلقات عامہ (آئی ایس پی آر) کے مطابق، اس دوران شدید فائرنگ کے تبادلے میں دہشتگرد مارے گئے۔
آئی ایس پی آر نے بتایا کہ آپریشن کے دوران فورسز نے دہشتگردوں کے ٹھکانوں کو مؤثر انداز میں نشانہ بنایا، جہاں سے اسلحہ، گولہ بارود اور دھماکا خیز مواد بھی برآمد کیا گیا۔
ان دہشتگردوں نے علاقے میں کئی دہشتگردانہ کارروائیوں میں حصہ لیا تھا، اور سکیورٹی فورسز نے علاقے میں چھپے ہوئے ممکنہ دہشتگردوں کے خاتمے کے لیے کلیئرنس آپریشن جاری رکھا ہوا ہے۔
خضدار میں سکیورٹی فورسز کا آپریشن، بھارتی حمایت یافتہ تنظیم ’فتنہ الہندوستان‘ کے 5 دہشت گرد ہلاک
مزید برآں، آئی ایس پی آر کا کہنا ہے کہ سکیورٹی فورسز ملک سے بھارتی سرپرستی یافتہ دہشتگردی کے ناسور کو جڑ سے اکھاڑ پھینکنے کے لیے پرعزم ہیں اور دہشتگردی کے تمام مجرموں کو انصاف کے کٹہرے میں لایا جائے گا تاکہ ملک میں امن و استحکام قائم رہے۔
