وفاقی وزیر دفاع خواجہ آصف نے کہا ہے کہ بانی پاکستان تحریک انصاف کو اڈیالہ جیل میں غیر معمولی سہولتیں فراہم کی جا رہی ہیں۔ ان کے مطابق بانی پی ٹی آئی کا کھانا باہر سے آتا ہے اور ان کا مینو اتنا معیاری ہے کہ فائیو اسٹار ہوٹلز میں بھی ایسا کھانا دستیاب نہیں ہوتا۔
سوشل میڈیا پلیٹ فارم ایکس پر جاری بیان میں خواجہ آصف نے دعویٰ کیا کہ بانی پی ٹی آئی کے پاس ٹی وی اور ورزش کی مشینیں بھی موجود ہیں۔ انہوں نے کہا کہ جب وہ خود قید میں تھے، تو ٹھنڈے فرش پر سونا پڑتا تھا، جنوری کی شدید سردی میں گرم پانی میسر نہیں تھا اور کھانا بھی جیل کا ملتا تھا۔
انہوں نے مزید کہا کہ اس وقت کے سپرنٹنڈنٹ جیل اسد وڑائچ نے صبح آکر ان کا گیزر اتروایا تھا، جبکہ بانی پی ٹی آئی کو ڈبل بیڈ اور مخملی بستر فراہم ہیں۔
نواز شریف کو اقتدار میں لانے والوں کا بھی احتساب ہونا چاہیے: شوکت یوسفزئی
خواجہ آصف کے اس بیان کے بعد سیاسی حلقوں میں جیل سہولتوں کے معاملے پر ایک نئی بحث چھڑ گئی ہے۔
