11
شہر قائد میں بچوں سے زیادتی کے کیس کے مرکزی ملزم شبیر احمد تنولی نے جوڈیشل مجسٹریٹ جنوبی کی عدالت میں اپنا جرم قبول کر لیا ہے۔
تفصیلات کے مطابق، پولیس نے ملزم کو عدالت میں پیش کیا، جہاں اس کا 6 مختلف مقدمات میں اعترافی بیان ریکارڈ کیا گیا۔ عدالت نے ملزم کو اس کا بیان پڑھ کر سنایا، جس کے بعد اس نے اپنے جرم کا اعتراف کیا۔
ملزم شبیر تنولی کو 11 ستمبر کو گرفتار کیا گیا تھا۔ وہ ایبٹ آباد کا رہائشی ہے اور کراچی کے علاقے قیوم آباد میں شربت کا ٹھیلا لگاتا تھا۔ متاثرہ بچوں اور بچیوں نے عدالت میں ملزم کی شناخت کی اور بتایا کہ اسی شخص نے انہیں اپنی ہوس کا نشانہ بنایا تھا۔
کراچی میں 100 سے زائد بچوں سے زیادتی کا ملزم، مزید اہم انکشافات
