204
ضلعی انتظامیہ نے اسلام آباد میں باجوں کی خرید و فروخت اور استعمال پر مکمل پابندی عائد کر دی ہے۔ یہ فیصلہ شہریوں کے سکون اور نظم و ضبط کو برقرار رکھنے کے لیے کیا گیا ہے، خصوصاً یوم آزادی کے قریب بڑھتی ہوئی ہلڑ بازی کے تناظر میں۔
ڈپٹی کمشنر اسلام آباد کی جانب سے جاری کردہ ہدایات کے مطابق شہر بھر کے تمام اسٹالز سے باجے فوری طور پر ضبط کیے جائیں گے، اور متعلقہ افسران کو ہدایت دی گئی ہے کہ وہ فوری طور پر فیلڈ میں جا کر کارروائیاں کریں۔
ڈی سی اسلام آباد کا کہنا تھا کہ جن علاقوں سے باجے برآمد ہوں گے، وہاں کے متعلقہ افسران کو جوابدہ ٹھہرایا جائے گا۔
انہوں نے یہ بھی ہدایت کی کہ یوم آزادی تک روزانہ کی بنیاد پر کارروائیاں کی جائیں تاکہ قانون پر مؤثر عمل درآمد کو یقینی بنایا جا سکے۔
