6
اسلام آباد ایئرپورٹ پر ایف آئی اے امیگریشن نے بڑی کارروائی کرتے ہوئے تین ایسے افراد کو گرفتار کر لیا جو خود کو سرکاری اہلکار ظاہر کرکے بیرون ملک جانے کی کوشش کر رہے تھے۔
ترجمان ایف آئی اے کے مطابق گرفتار افراد نے دعویٰ کیا کہ وہ وزارتِ تجارت کے ملازم ہیں اور وزٹ ویزے پر ازبکستان جا رہے تھے۔ تفتیش کے دوران معلوم ہوا کہ ملزمان نے سفر کے لیے جعلی این او سی تیار کیے تھے۔
ترجمان نے مزید بتایا کہ وزارتِ تجارت کے کچھ اہلکاروں نے بھی ان افراد کی سہولت کاری کی، جن کے کردار کی چھان بین کی جا رہی ہے۔ گرفتار ملزمان کو مزید تحقیقات کے لیے ایف آئی اے اینٹی کرپشن سرکل اسلام آباد کے حوالے کر دیا گیا ہے۔
