8
اسلام آباد کی انسداد دہشت گردی عدالت میں ایرانی سپریم لیڈر کے انتقال پر ہونے والے احتجاج کے دوران توڑ پھوڑ کے مقدمے کی سماعت ہوئی، جس میں پولیس کی جانب سے گرفتار ملزمان کو عدالت کے روبرو پیش کیا گیا۔
سماعت کے دوران عدالت نے تمام ملزمان کے جسمانی ریمانڈ میں مزید دو روز کی توسیع کر دی۔ کیس کی سماعت انسداد دہشت گردی عدالت کے جج ابوالحسنات محمد ذوالقرنین نے کی۔
پولیس نے عدالت سے ملزمان کے چھ روزہ جسمانی ریمانڈ کی استدعا کی تھی، تاہم عدالت نے دو روز کی توسیع منظور کی۔ اس موقع پر پولیس نے مجموعی طور پر 48 ملزمان کو عدالت میں پیش کیا۔
آیت اللہ خامنہ ای کے بیٹے مجتبیٰ ایران کے سپریم لیڈر؟
یاد رہے کہ ملزمان کے خلاف تھانہ سیکرٹریٹ میں دہشت گردی اور دیگر متعلقہ دفعات کے تحت مقدمہ درج کیا گیا ہے، جبکہ پولیس واقعے سے متعلق مزید تحقیقات کر رہی ہے۔
