17
اسلام آباد، بھارت نے پاکستان کے لیے اپنی فضائی حدود بند کرنے کا باضابطہ اعلان کر دیا ہے۔
بھارتی حکام کی جانب سے جاری کردہ نوٹم (NOTAM) کے مطابق، یکم مئی سے 23 مئی تک پاکستانی طیاروں کو بھارتی فضائی حدود استعمال کرنے کی اجازت نہیں ہوگی۔
واضح رہے کہ قومی ایئرلائن پہلے ہی پاک بھارت کشیدگی کے باعث بھارتی فضائی حدود کے استعمال سے گریز کر رہی تھی۔
یاد رہے کہ اس سے قبل بھارت نے پہلگام حملے کو بنیاد بنا کر سندھ طاس معاہدہ معطل کرنے کا اعلان کیا تھا، جس کے جواب میں پاکستان نے بھی بھارتی ایئر لائنز پر اپنی فضائی حدود بند کر دی تھیں۔
پاکستان کی جانب سے فضائی حدود کی فوری بندش کے باعث بھارتی ایئر لائنز کو کئی پروازوں کے شیڈول میں مشکلات اور ہنگامی حالات کا سامنا کرنا پڑا۔
