18
اسلام آباد ہائیکورٹ نے آوارہ کتوں کو ویکسینیشن کرنے کی ہدایت دی ہے اور انہیں مارنے والے ذمہ دار افراد کے خلاف مقدمہ درج کرنے کا حکم بھی صادر کر دیا ہے۔
عدالت نے کیس کی سماعت کے دوران وفاقی دارالحکومت میں آوارہ کتوں کی نسل کشی اور خاتمے کے حوالے سے سی ڈی اے حکام کو طلب کیا اور سی ڈی اے کے ڈائریکٹر میونسپل ایڈمنسٹریشن سے وضاحت طلب کی۔
جسٹس خادم حسین سومرو نے ہدایت کی کہ اگر آوارہ کتوں کو مارنے کے ٹھوس شواہد ملے تو متعلقہ افراد کے خلاف قانونی کارروائی کی جائے۔
عدالت نے وفاقی دارالحکومت میں 2020 کی آوارہ کتوں کی پالیسی پر سختی سے عمل درآمد کرنے کا حکم دیا اور سی ڈی اے کو آوارہ کتوں کی ویکسینیشن یقینی بنانے کی تاکید کی۔ اس فیصلے سے آوارہ کتوں کے حقوق کی حفاظت اور ان کی غیر قانونی نسل کشی کے خاتمے کی توقع کی جا رہی ہے۔
