کروڑوں ووٹ لینے والے ڈھنگ کا احتجاج بھی نہ کرسکے، حافظ نعیم الرحمان

امیر جماعت اسلامی حافظ نعیم الرحمان نے کہا ہے کہ قربانیاں ہم دیں اور اقتدار کوئی اور لے اڑے، اب ایسا نہیں ہوگا، حکمران تعصبات سے قومی یکجہتی کو نقصان پہنچا رہے ہیں۔

جماعت اسلامی پاکستان کے امیر حافظ نعیم الرحمان نے کہا ہے کہ کروڑوں ووٹ لینے والے ڈھنگ کا ایک احتجاج بھی نہیں کرسکے۔

منصورہ لاہور میں حلقہ لاہور کی تربیت گاہ کے شرکا سے خطاب کرتے ہوئے حافظ نعیم الرحمان کا کہنا تھا کہ قربانیاں ہم دیں اور اقتدار کوئی اور لے اڑے، اب ایسا نہیں ہوگا، جماعت اسلامی کسی کو کندھا فراہم نہیں کرے گی۔

انہوں نے کہا کہ عام آدمی اپنے مسائل کے حل کے لیے جماعت اسلامی کو امید کی کرن سمجھتا ہے، جبکہ حکمران تعصبات پیدا کرکے قومی یکجہتی کو نقصان پہنچا رہے ہیں۔