اسلام آباد میں ضلعی انتظامیہ نے مسلم کالونی میں ایک بڑے آپریشن کے دوران غیر قانونی قبضے ختم کرتے ہوئے 200 ارب روپے مالیت کی سرکاری زمین واگزار کرالی۔
انتظامیہ کے مطابق آپریشن کے دوران کالونی میں غیر قانونی طور پر تعمیر شدہ گھروں کو مسمار کیا گیا اور زیر قبضہ 700 کینال سرکاری اراضی واپس حاصل کی گئی۔ مقامی رہائشیوں کو کارروائی سے قبل متعدد نوٹسز جاری کیے گئے تھے تاکہ قانونی تقاضے پورے کیے جا سکیں۔
اسلام آباد میں تجاوزات کے خلاف آپریشن کا حکم، 30 ستمبر تک سیکٹرز کلیئر کرنے کی ہدایت
ضلعی انتظامیہ کا کہنا ہے کہ آپریشن کی نگرانی اسسٹنٹ کمشنر اور سی او ایم سی آئی نے کی، اور مقامی افراد سے بھی اپیل کی گئی کہ وہ کارروائی میں ٹیمز کے ساتھ تعاون کریں تاکہ زمین کی واپسی کا عمل مؤثر اور شفاف ہو۔
انتظامیہ نے واضح کیا کہ اس طرح کے اقدامات غیر قانونی قبضے ختم کرنے اور سرکاری اثاثوں کے تحفظ کے لیے جاری رہیں گے۔
