5
لاہور: ڈی آئی جی ٹریفک پنجاب محمد وقاص نذیر نے موٹرسائیکل سواروں کے لیے ایک ہی دن میں لائسنس کے اجرا کی سہولت جاری رکھنے کا فیصلہ کیا ہے۔
یہ سہولت پنجاب میں ایک سال سے جاری ہے، جس کے دوران موٹرسائیکل سواروں کو 29 لاکھ 60 ہزار سے زائد ریگولر لائسنس جاری کیے گئے ہیں، جن میں 14 ہزار سے زائد خواتین اور 100 سے زائد خواجہ سرا بھی شامل ہیں۔
ڈی آئی جی ٹریفک محمد وقاص نذیر نے اس اقدام کو سراہتے ہوئے کہا کہ اس سے سڑکوں پر حادثات میں کمی آئے گی اور موٹرسائیکل سواروں کے لیے روزگار کے مواقع بھی پیدا ہو رہے ہیں۔
اس اقدام سے لرنر اور ریگولر دونوں لائسنس ایک ہی دن جاری کیے جا رہے ہیں، جو موٹرسائیکل سواروں کے لیے ایک بڑی سہولت ہے۔
گاڑیوں کی رجسٹریشن اور ڈرائیونگ لائسنس کے اصول تبدیل
اس سے نہ صرف ڈرائیونگ کے قوانین کی پیروی میں آسانی ہوگی بلکہ سڑکوں پر حفاظتی معیار بھی بہتر ہوگا۔
