58
کراچی: ملک بھر میں آج سونے کی قیمت میں نمایاں اضافہ ریکارڈ کیا گیا ہے، جس کے بعد فی تولہ سونا نئی بلند ترین سطح پر پہنچ گیا ہے۔
فی تولہ سونا 3 لاکھ 42 ہزار 500 روپے کا ہو گیا
آل پاکستان جیمز اینڈ جیولرز ایسوسی ایشن کے مطابق، فی تولہ سونے کی قیمت میں 4 ہزار روپے کا اضافہ ہوا ہے، جس کے بعد نئی قیمت 3 لاکھ 42 ہزار 500 روپے ہو گئی ہے۔
10 گرام سونے کی قیمت میں بھی نمایاں اضافہ
ایسوسی ایشن کا کہنا ہے کہ 10 گرام سونے کی قیمت میں 3,429 روپے کا اضافہ ریکارڈ کیا گیا ہے، جس کے بعد اس کی نئی قیمت 2 لاکھ 93 ہزار 638 روپے ہو گئی ہے۔
عالمی مارکیٹ میں بھی تیزی، قیمت 3,241 ڈالر فی اونس تک پہنچ گئی
دوسری جانب عالمی صرافہ مارکیٹ میں بھی سونے کی قیمت میں 40 ڈالر فی اونس کا اضافہ دیکھا گیا، جس کے بعد سونا 3,241 ڈالر فی اونس پر ٹریڈ ہو رہا ہے۔
