سندھ کے ضلع گھوٹکی میں گڈوکشمور روڈ پر بس سے اغوا کیے گئے تمام مسافروں کو بازیاب کرا لیا گیا ہے۔
ڈی ایس پی او باڑو عبدالقادر کے مطابق بس کے کنڈکٹر نے مغوی مسافروں کی صحیح تعداد نہیں بتائی تھی، تاہم معلوم ہوا کہ ڈاکوؤں نے بس سے 14 مسافروں کو اغوا کیا تھا۔ پولیس کی کارروائی کے بعد 13 مسافر محفوظ طور پر بازیاب کرائے گئے جبکہ ایک مسافر کی لاش ملی۔ جاں بحق شخص کریم بخش ضلع جعفرآباد کا رہائشی ہے اور پولیس کے مطابق اس کی موت دل کا دورہ پڑنے سے ہوئی۔
آپریشن کے دوران ڈاکوؤں نے پولیس پر مزاحمت کی، جس میں ایک پولیس اہلکار زخمی ہوا۔ پولیس کے مطابق ڈاکوؤں نے بکتر بند گاڑی پر راکٹ بھی فائر کیے۔
گھوٹکی: پولیس آپریشن میں 11 مسافر بازیاب، اغوا کاروں کی گرفتاری کے لیے کارروائی جاری
پولیس نے مؤثر کارروائی کرتے ہوئے تمام مسافروں کو محفوظ واپس لانے میں کامیابی حاصل کی اور علاقے میں مزید حفاظتی اقدامات بڑھا دیے گئے ہیں تاکہ مستقبل میں ایسے واقعات کی روک تھام کی جا سکے۔
