13 پاکستانی طلبہ کے لیے بیرون ملک تعلیم حاصل کرنے کا ایک شاندار موقع سامنے آیا ہے، جس کے تحت عمان نے مختلف مضامین میں مکمل فنڈڈ اسکالرشپس کا اعلان کیا ہے۔ عمان کی جانب سے یہ اسکالرشپس 2025-26 کے لیے پیش کی گئی ہیں، اور پاکستان ہائر ایجوکیشن کمیشن (ایچ ای سی) نے ان اسکالرشپس کے لیے درخواستوں کا آغاز کر دیا ہے۔
اسکالرشپ کی خصوصیات:
عمان کی اسکالرشپس کے تحت پاکستانی طلبہ کو مختلف شعبوں میں گریجویٹ ڈگری حاصل کرنے کا موقع ملے گا، جن میں انجینئرنگ، ہیومینٹیز، انفارمیشن ٹیکنالوجی، اور سائنسز شامل ہیں (مگر میڈیسن شامل نہیں)۔
مکمل فنڈنگ: اسکالرشپ پروگرام کے تحت ٹیوشن فیس 100 فیصد معاف کی جائے گی۔
ماہانہ وظیفہ: عمان جانے والے طلبہ کو ہر ماہ وظیفہ ملے گا، جس میں بغیر رہائش کے 200 عمانی ریال (تقریباً 1 لاکھ 45 ہزار پاکستانی روپے) یا رہائش فراہم کرنے کی صورت میں 140 عمانی ریال (تقریباً 1 لاکھ پاکستانی روپے) شامل ہے۔
سفر کی سہولت: ہر سال ایک راؤنڈ ٹرپ ہوائی ٹکٹ بھی دیا جائے گا۔
اسکالرشپ کا مقصد:
یہ اسکالرشپ پروگرام پاکستان اور عمان کے درمیان تعلیمی اور ثقافتی تعلقات کو مزید مستحکم کرنے کی کوشش ہے۔ اس کا مقصد پاکستان کے باصلاحیت طلبہ کو عالمی معیار کی تعلیم حاصل کرنے کے لیے مواقع فراہم کرنا ہے۔
اہلیت اور درخواست کی تفصیلات:
ایچ ای سی نے اس اسکالرشپ کے لیے درخواستیں طلب کی ہیں اور اہل طلبہ سے درخواستیں 23 ستمبر 2025 تک جمع کروانے کی درخواست کی ہے۔ بیرون ملک تعلیم حاصل کرنے کے خواہشمند طلبہ درخواست دینے کے لیے درج ذیل آفیشل لنک پر جا سکتے ہیں
