12
مائی کلاچی مین ہول سے 4 لاشیں ملنے کے کیس میں گرفتار ملزم مسرور حسین کو جوڈیشل مجسٹریٹ غربی کی عدالت نے 5 روزہ جسمانی ریمانڈ پر پولیس کے حوالے کر دیا۔
تفتیشی افسر نے عدالت کو بتایا کہ ملزم سے آلہ قتل برآمد کرنا ہے اور مزید تفتیش کے بعد قتل کے اصل حقائق سامنے لائے جائیں گے۔
دو جنوری کو خالی مین ہول سے انیلا، کشور زہرہ حسنین اور ذوالقرنین سمیت 4 افراد کی لاشیں برآمد ہوئی تھیں۔ پوسٹ مارٹم رپورٹ کے مطابق مقتولین کو تیز دھار آلے سے قتل کیا گیا۔ پولیس کے مطابق ملزم کے خلاف تھانہ ڈاکس میں مقدمہ درج کیا گیا تھا۔
کراچی میں مین ہول سے ملنے والی چار لاشوں کا ابتدائی پوسٹ مارٹم مکمل
عدالت نے آئندہ سماعت پر تفتیشی افسر سے پیش رفت رپورٹ طلب کر لی ہے اور ریمارکس دیے کہ قتل کی سنگین نوعیت کے پیش نظر ملزم کا جسمانی ریمانڈ دیا جا رہا ہے۔
