فیلڈ مارشل عاصم منیر کا مصر، اردن اور سعودی عرب کا دورہ

فیلڈ مارشل سید عاصم منیر نے مصر، اردن اور سعودی عرب کا اہم تاریخی دورہ کیا، جسے کامیاب ملٹری ڈپلومیسی کی شاندار مثال قرار دیا گیا ہے۔

دورے کے دوران مصر، اردن اور سعودی قیادت نے پاکستان کی مسلح افواج پر مکمل اعتماد کا اظہار کیا۔ فیلڈ مارشل نے ان ممالک کے ساتھ انسداد دہشت گردی، دفاعی تعاون، اور انٹیلی جنس شیئرنگ پر اہم مذاکرات کیے۔

ماہرین کے مطابق یہ دورہ مسلم ممالک کے درمیان عسکری اتحاد اور یکجہتی کی مضبوط علامت ہے، اور اس سے پاکستان کا خطے میں امن، استحکام اور مشترکہ سلامتی کے لیے کلیدی کردار اجاگر ہوا ہے۔

آرمی چیف کی فعال عسکری سفارتکاری نے نہ صرف پاکستان کی عالمی ساکھ میں اضافہ کیا بلکہ ملک کو مضبوط اور باوقار تشخص کے ساتھ عالمی افق پر اجاگر کیا ہے۔