13
اسلام آباد، ایف آئی اے اینٹی ہیومن ٹریفکنگ سرکل تفتان نے بڑی کارروائی کے دوران بدنام زمانہ انسانی اسمگلر محمد عدنان اسلم کو گرفتار کر لیا۔
ایف آئی اے کے مطابق گرفتار ملزم عراق سے آپریٹ ہونے والے ایک منظم انسانی اسمگلنگ گینگ کا اہم رکن ہے۔ ملزم پاکستانی شہریوں کو ایران کے غیر قانونی راستوں سے عراق اسمگل کرتا تھا، جہاں گینگ نے سیف ہاؤسز قائم کر رکھے تھے۔ متاثرہ شہریوں کو ان سیف ہاؤسز میں محصور کر کے رکھا جاتا تھا۔
ترجمان ایف آئی اے کے مطابق ملزم کے موبائل فون سے انسانی اسمگلنگ کے شواہد بھی برآمد کر لیے گئے ہیں جبکہ متاثرین کے اہل خانہ سے وصول کی گئی رقوم کے ثبوت بھی حاصل ہو گئے ہیں۔
شیخوپورہ پاسپورٹ آفس پر ایف آئی اے کا چھاپہ، 3 افراد گرفتار
حکام کا کہنا ہے کہ گینگ میں شامل دیگر انسانی اسمگلروں کی تفصیلات بھی سامنے آ گئی ہیں اور ان کی گرفتاری کے لیے چھاپے مارے جا رہے ہیں۔
