6
دبئی سے فیصل آباد جانے والی ایک پرواز میں مسافر کی طبیعت اچانک خراب ہونے کے باعث طیارے کی کراچی میں ایمرجنسی لینڈنگ کروائی گئی۔
ائیرپورٹ حکام کے مطابق پرواز اس وقت لاڑکانہ کے قریب تھی جب پائلٹ نے مسافر کی حالت بگڑنے پر ایئر ٹریفک کنٹرول (ATC) کراچی سے رابطہ کیا اور ہنگامی لینڈنگ کی اجازت طلب کی۔
طیارے کے کراچی ایئرپورٹ پر اترتے ہی میڈیکل ایمرجنسی ٹیم نے فوری طور پر مسافر ذوالفقار کو طبی امداد فراہم کرنے کی کوشش کی، تاہم وہ جانبر نہ ہو سکے اور ان کا انتقال ہو چکا تھا۔
ائیرپورٹ حکام کا کہنا ہے کہ اسی روز ایک اور پرواز کراچی سے دبئی جانے والی میں بھی طبی ایمرجنسی پیش آئی، جہاں ایک 3 سالہ بچی زہرا شدید بخار اور بے ہوشی کا شکار ہو گئی۔ پرواز کے عملے نے فوری طور پر میڈیکل ٹیم کو مطلع کیا، جس کے بعد بچی کو ایئرپورٹ پر ابتدائی طبی امداد دے کر ایک نجی اسپتال منتقل کر دیا گیا۔
دونوں واقعات نے ہوائی سفر کے دوران فوری طبی سہولیات کی اہمیت کو ایک بار پھر اجاگر کر دیا ہے۔
