7
انسدادِ دہشت گردی عدالت نے تھانہ مغلپورہ میں پولیس کی گاڑیاں جلانے کے مقدمہ نمبر 1570/23 میں پاکستان تحریک انصاف کی رہنما ڈاکٹر یاسمین راشد کی ضمانت منظور کر دی۔
عدالت کے جج منظر علی گل نے ڈاکٹر یاسمین راشد کو ایک لاکھ روپے کے ضمانتی مچلکے جمع کرانے کا حکم بھی دیا۔ ان کے دیگر تین مقدمات میں دائر ضمانت کی درخواستوں پر سماعت 25 نومبر تک ملتوی کر دی گئی ہے۔
ڈاکٹر یاسمین راشد نے عسکری ٹاور حملہ کیس اور جناح ہاؤس کے قریب پولیس کی گاڑیاں جلانے کے مقدمات میں بھی ضمانت کی درخواستیں دائر کی ہوئی ہیں۔
واضح رہے کہ نو مئی کے دیگر چار مقدمات میں ڈاکٹر یاسمین راشد کو پہلے ہی سزا سنائی جا چکی ہے۔
