10
پشاور، رکن قومی اسمبلی شیر افضل مروت کا کہنا ہے کہ پی ٹی آئی میں اختلافات دن بدن بڑھتے جا رہے ہیں۔
میڈیا سے گفتگو کے دوران رہنما پی ٹی آئی شیر افضل مروت کا کہنا تھا تحریک انصاف کو ایسا تاثر نہیں دینا چاہیے کہ پارٹی میں انتشار ہے۔
شیر افضل مروت نے کہا کہ تحریک انصاف میں اختلافات ہیں اور یہ اختلافات دن بدن بڑھتے جا رہے ہیں۔
ایک سوال کے جواب میں ممبر قومی اسمبلی کا کہنا تھا اب تو میں پارٹی سے نکالا جا چکا ہوں، میرے بیانات کو متنازع نہ کہیں۔
شیر افضل مروت نے کہا کہ سابق وزیراعظم عمران خان سے ملنے کی دیر ہے سب کچھ ٹھیک ہو جائے گا، جب بھی پارٹی کو ضرورت پڑی یا عمران خان نے بلایا تو جاؤں گا۔
رکن قومی اسمبلی نے کہا کہ تحریک انصاف کی صوبائی اور مرکزی قیادت میں اختلافات پیدا کرنے کیلئے مائنز اینڈ منرلز بل کو متنازع بنایا گیا، وزیراعلیٰ پختونخوا پہلے سے کہہ چکے کہ سوال ہی پیدا نہیں ہوتا کہ صوبہ مرکز کو اپنا حق دے۔
