ڈی جی پاسپورٹس کا بڑا فیصلہ، سینٹرل اور ساؤتھ پنجاب میں 4 سب زونز قائم

لاہور، شہریوں کو سہولت فراہم کرنے کے لیے ڈائریکٹر جنرل پاسپورٹس مصطفیٰ جمال قاضی نے سینٹرل پنجاب اور ساؤتھ پنجاب زونز میں 4 نئے سب زونز تشکیل دینے کا اعلان کر دیا۔

میڈیا رپورٹس کے مطابق سینٹرل پنجاب میں آر پی او لاہور اور آر پی او گجرانوالہ جبکہ ساؤتھ پنجاب میں آر پی او ملتان اور آر پی او بہاولپور نئے سب زونز ہوں گے۔

ڈی جی پاسپورٹس کا کہنا تھا کہ اس فیصلے سے صوبے بھر میں پاسپورٹ کے انتظامی معاملات میں بہتری آئے گی اور شہریوں کو مزید بہتر اور بروقت سروسز فراہم کی جا سکیں گی۔

انہوں نے کہا کہ پاسپورٹس کے بروقت اجرا کے لیے تمام تر وسائل بروئے کار لائے جا رہے ہیں، پاکستان سمیت دنیا بھر میں شہریوں کو پاسپورٹ کی باوقار اور بروقت فراہمی یقینی بنائی جا رہی ہے۔