ٹک ٹاکر ایمان طاہر کے بال کاٹنے کے معاملے میں عدالت نے دونوں گرفتار ملزمان جلیل اور انیس کو ضمانت دے کر رہائی کا حکم دے دیا۔
سول جج صوفیہ ملک نے فیصلہ سناتے ہوئے کہا کہ دونوں ملزمان کے خلاف کوئی ٹھوس ثبوت موجود نہیں اور ایف آئی آر درج کرنے میں بھی تاخیر ہوئی۔ متاثرہ لڑکی کیس کے وقت موجود نہیں تھی اور نہ ہی اس نے خود مقدمہ درج کرایا، جبکہ ریکارڈ میں اس کا کوئی بیان بھی شامل نہیں ہے۔ عدالت نے واضح کیا کہ ہواؤں اور زبانی دعووں کی بنیاد پر کیس قائم نہیں کیا جا سکتا۔
عدالت نے ملزمان کو 50،50 ہزار روپے کے ضمانتی مچلکے جمع کرانے کے بعد رہائی کی اجازت دی۔ پولیس ابھی تک بال کاٹنے والے حقیقی ملزم کو گرفتار کرنے میں ناکام ہے، جبکہ تھانہ نصیر آباد پولیس نے پولیس اہلکار کو مدعیت میں مقدمہ درج کیا تھا۔
جج کے بیٹے کی گاڑی کی ٹکر سے دو لڑکیاں جاں بحق،ملزم ابوذر کی ضمانت منظور
عدالت نے اپنے فیصلے میں کہا کہ ملزمان کے خلاف ٹھوس ثبوت نہ ہونے کے سبب انہیں رہا کرنا مناسب ہے، اور ایسے معاملات میں قانونی کارروائی میں احتیاط ضروری ہے تاکہ غلط الزامات کے تحت افراد کو نقصان نہ پہنچے۔
اس مقدمے نے سوشل میڈیا پر بھی کافی توجہ حاصل کی تھی کیونکہ متاثرہ ٹک ٹاکر نوجوان اور مقبول شخصیت تھیں، اور ان کے فالورز نے اس واقعے پر ردعمل ظاہر کیا تھا۔
عدالت کے فیصلے سے ملزمان کو قانونی تحفظ حاصل ہو گیا ہے اور حقیقی ملزم کی تلاش جاری ہے، تاکہ ذمہ دار شخص کو قانون کے مطابق سزا دی جا سکے۔
