عدالت کا شوکت خانم اسپتال اور نمل یونیورسٹی کے اکاؤنٹس ڈی سیز کرنے کا حکم

انسداد دہشت گردی کی خصوصی عدالت نے شوکت خانم اسپتال اور نمل یونیورسٹی کے اکاؤنٹس کو ڈی سیز کرنے کے احکامات جاری کر دیے ہیں۔

پراسیکیوٹر ظہیر شاہ نے عدالت میں موقف اختیار کیا کہ اسپتال اور یونیورسٹی کے اکاؤنٹس ڈی سیز کیے جانے پر انہیں کوئی اعتراض نہیں۔ انہوں نے مزید کہا کہ علیمہ خان کے بزنس اور پرسنل اکاؤنٹس کے علاوہ اگر کوئی دیگر اکاؤنٹس فریز کیے گئے ہیں، تو اس پر بھی پراسیکیوٹر کا کوئی اعتراض نہیں۔

عدالت کے جج امجد علی شاہ نے کیس کی سماعت کی جبکہ علیمہ خان کی جانب سے وکیل محمد فیصل ملک پیش ہوئے۔