پشاور، مشیراطلاعات خیبرپختونخوا بیرسٹر ڈاکٹر سیف کا کہنا ہے کہ پارلیمنٹ پر شب خون مارنے والوں کیخلاف آرٹیکل 6 کے تحت کاروائی ہونی چاہیے۔
مشیراطلاعات بیرسٹر ڈاکٹر سیف کا کہنا ہے کہ پارلیمان کی ہتک پر جعلی وزراء کی ڈھٹائی پریشان کن ہے، بعض بانی پی ٹی آئی اور تحریک انصاف میں جعلی حکومت اور وزراء پارلیمنٹ کی تضحیک کرنے پر بھی خوش ہیں، جعلی حکومت کے جعلی اور درباری وزراء سے یہی توقع کی جاسکتی ہے۔
مشیراطلاعات کا یہ کہنا تھا کہ جعلی حکومت کچھ بھی کرلیں مگر غیر قانونی ترامیم پاس نہیں ہونے دیں گے، جعلی حکومت 9 مئی کے فالس فلیگ آپریشن پر بہت واویلا مچاتے ہیں مگر اپنے گھر پارلیمان کی بے عزتی پر خوش ہیں۔
ڈاکٹر سیف کا کہنا تھا کہ جعلی وزراء 9 مئی کے ڈرامے پر مگرمچھ کے آنسو بہانا بند کریں، آج اصلی حکومت ہوتی تو پارلیمان کی اس طرح بے عزتی نہ ہونے دیتی۔
سپیکر قومی اسمبلی ایاز صادق آئیں بائیں شائیں سے کام نہ لیں پارلیمنٹ پر حملہ کرنے والوں کے خلاف ایف آئی آر درج کریں۔
ڈاکٹر بیرسٹر سیف کا کہنا ہے کہ پارلیمنٹ پر شب خون مارنے والوں کے خلاف آرٹیکل 6 کے تحت کاروائی کرنی چاہیے، پارلیمان کی بے عزتی کرنے والوں سے پورا پورا حساب لیا جائیگا۔
