وزیراعلیٰ پنجاب مریم نواز نے کہا ہے کہ پولیو کے مکمل خاتمے سے ہی بچوں کی صحت اور محفوظ مستقبل کو یقینی بنایا جا سکتا ہے۔
انہوں نے کہا کہ پولیو سے نجات کے ہدف کے حصول کے لیے عوام کا بھرپور تعاون ناگزیر ہے کیونکہ ویکسین سے انکار دراصل بچوں کے بہتر مستقبل سے انکار کے مترادف ہے۔
مریم نواز نے پولیو ورکرز کو قوم کے ہیرو قرار دیتے ہوئے کہا کہ حکومت ان کی خدمات کی قدر کرتی ہے اور انہیں خراجِ تحسین پیش کرتی ہے۔ انہوں نے والدین پر زور دیا کہ وہ بچوں کو پولیو سے بچاؤ کے قطرے ضرور پلائیں کیونکہ یہ ویکسین محفوظ، مؤثر اور بچوں کی زندگیوں کے تحفظ کے لیے ضروری ہے۔
مریم نواز کے خلاف نیب آفس حملہ کیس خارج
وزیراعلیٰ پنجاب نے کہا کہ پولیو کے 100 فیصد خاتمے کا ہدف صرف حکومت نہیں بلکہ پوری قوم کا مشترکہ مشن ہے۔ انہوں نے کہا کہ عوام، پولیو ورکرز اور حکومت کو ایک ساتھ مل کر اس قومی مہم کو کامیابی سے ہمکنار کرنا ہوگا تاکہ پاکستان کو ہمیشہ کے لیے پولیو سے پاک بنایا جا سکے۔
