102
بانی تحریک انصاف کی ہمشیرہ علیمہ خان کے فیکٹری ناکے پر دھرنے کے دوران ایک نامعلوم کار سوار نے وہاں بیٹھے افراد کو ٹکر مار دی، جس کے نتیجے میں ایک خاتون اور ایک مرد زخمی ہو گئے۔
تفصیلات کے مطابق علیمہ خان خواتین کارکنان کے ہمراہ اڈیالہ جیل جانے والے راستے کے درمیان فیکٹری ناکے پر دھرنے پر بیٹھیں تھیں۔ اس دوران مہران گاڑی پر سوار نامعلوم شخص نے دھرنے میں شریک افراد کو ٹکر مار دی اور گاڑی سمیت موقع سے فرار ہو گیا۔ زخمی افراد کو فوری طبی امداد کے لیے ہسپتال منتقل کر دیا گیا ہے۔
پولیس نے واقعے کی تحقیقات شروع کر دی ہیں اور گاڑی اور ڈرائیور کی تلاش جاری ہے۔ دھرنے میں شریک افراد نے بھی واقعے کی مذمت کرتے ہوئے ذمہ داروں کے خلاف کارروائی کا مطالبہ کیا ہے۔
