4
وفاقی دارالحکومت میں غیرت کے نام پر ایک اور لڑکی کو اس کے اپنے بھائی نے قتل کر دیا۔ یہ واقعہ شمس کالونی میں پیش آیا، جہاں لڑکی کے قتل کا مقدمہ اس کے والد کی مدعیت میں درج کر لیا گیا ہے۔
سما ٹی وی کے مطابق، ایف آئی آر میں لڑکی کے والد نے بیان دیا کہ ان کے بیٹے عادل نے بیٹی کے سر میں گولی مار کر اسے ناحق قتل کیا اور پھر موقع سے فرار ہو گیا۔
والد کے مطابق، ان کی بیٹی کسی لڑکے کو پسند کرتی تھی اور اس سے شادی کرنا چاہتی تھی، جس پر گھر میں اکثر جھگڑا رہتا تھا۔
