کیا عمران خان سے ملنے کے لیے جیل کی دیوار توڑ کر اندر گھس جاؤں؟

وزیراعلیٰ خیبرپختونخوا علی امین گنڈاپور نے ایک طنزیہ بیان دیتے ہوئے کہا ہے کہ اگر میں جیل کی دیوار توڑ کر اندر گھس جاؤں تو کیا مجھے عمران خان سے ملاقات کرنے دیں گے؟

علی امین گنڈاپور نے میڈیا سے گفتگو میں پنجاب حکومت پر تنقید کی اور کہا کہ ہمارے شہید ہونے والے لوگوں کے بارے میں پالیسی بنانا بہت ضروری ہے، لیکن حکومت کے پاس کچھ بھی نہیں ہے۔

انہوں نے بتایا کہ افغانستان سے بات کی تو وہاں بھی کہا گیا کہ یہ تمہارا کام نہیں ہے، جس پر انہوں نے جواب دیا کہ اگر ہمارا کام نہیں تو پھر تم کر لو، مگر اب تک آپریشنز کے بعد کوئی خاص نتیجہ نہیں نکلا۔

واضح رہے کہ وزیراعلیٰ خیبرپختونخوا کو عمران خان سے جیل میں ملاقات کی اجازت نہیں دی جا رہی اور انتظامیہ ملاقات کا وقت فراہم نہیں کر رہی۔ بانی پاکستان تحریک انصاف (پی ٹی آئی) عمران خان نے بھی کہا تھا کہ علی امین گنڈاپور کو ملاقات کے لیے عدالت میں درخواست دائر کرنی چاہیے۔