پاکستان تحریک انصاف (پی ٹی آئی) کے چیئرمین بیرسٹر گوہر نے واضح کیا ہے کہ نومبر میں احتجاج کی کال کے حوالے سے تمام خبریں اور افواہیں بے بنیاد ہیں اور بانی پی ٹی آئی کی جانب سے کوئی باضابطہ ہدایت جاری نہیں کی گئی۔
بیرسٹر گوہر نے پارلیمنٹ میں میڈیا سے گفتگو کرتے ہوئے کہا کہ انہوں نے اسپیکر سے ملاقات میں اپوزیشن لیڈر کے انتخاب کے عمل کو جلد مکمل کرنے کی درخواست کی ہے، کیونکہ یہ عہدہ 8 اگست سے خالی ہے۔
انہوں نے بتایا کہ رول 39 کے تحت صرف اکثریت رکھنے والا رکن اپوزیشن لیڈر بن سکتا ہے۔
چیئرمین پی ٹی آئی نے مزید کہا کہ پارٹی کے فیصلے کے بغیر کمیٹیوں میں واپسی ممکن نہیں، اور اس موقع پر مولانا فضل الرحمان کی یقین دہانی پر شکریہ ادا کیا۔
عمر ایوب اور شبلی فراز کی خالی نشستوں پر پی ٹی آئی انتخابات میں حصہ لے گی، بیرسٹر گوہر
انہوں نے واضح کیا کہ اپوزیشن بینچوں پر بیٹھنے والے اراکین کی اکثریت پی ٹی آئی کے ساتھ ہے، تاہم پارٹی رہنماؤں میں بہتر کوآرڈینیشن کی ضرورت ہے اور نان سیریس رویہ نقصان دہ ہے۔
