9
بلوچستان حکومت نے صوبے میں امن و امان کی صورتحال کے پیش نظر دفعہ 144 نافذ کرتے ہوئے موٹرسائیکل کی ڈبل سواری پر پابندی عائد کر دی ہے۔
محکمہ داخلہ بلوچستان کی جانب سے جاری نوٹیفکیشن کے مطابق صوبے بھر میں غیر رجسٹرڈ موٹرسائیکلوں، سیاہ شیشوں والی گاڑیوں اور دھماکا خیز مواد کی نقل و حمل پر بھی پابندی ہوگی۔
نوٹیفکیشن میں کہا گیا ہے کہ عوامی مقامات پر چہرہ ڈھانپنے یا نقاب پہننے پر بھی پابندی ہوگی، جبکہ اسلحے کی نمائش، 5 یا اس سے زائد افراد کے اجتماع اور دھرنوں پر پہلے سے موجود پابندی برقرار رہے گی۔
محکمہ داخلہ کے مطابق یہ پابندیاں امن و امان کی صورتحال کو مدنظر رکھتے ہوئے لگائی گئی ہیں اور یہ 30 نومبر تک مؤثر رہیں گی۔
